44 Bha pàillean na fianais aig ar n-athraichean anns an fhàsach, a rèir mar a dh’àithn an tì a labhair ri Maois gun dèanadh e e a rèir an t-samhlaidh a chunnaic e.
45 An nì a thug mar an ceudna ar n-athraichean, a bha nan dèidh, a-steach maille ri Iosa do sheilbh nan Cinneach, a thilg Dia a-mach ro ghnùis ar n-athraichean, gu làithean Dhaibhidh;
46 Neach a fhuair deagh-ghean am fianais Dhè, agus a dh’iarr pàillean fhaotainn do Dhia Iàcoib.
47 Ach thog Solamh taigh dha.
48 Gidheadh chan eil an Tì as àirde a’ gabhail còmhnaidh ann an teampaill làmh-dhèante; mar tha am fàidh ag ràdh,
49 Is e nèamh mo rìgh-chathair, agus an talamh stòl mo chas: ciod an taigh a thogas sibh dhomh, tha an Tighearna ag ràdh, no ciod e ionad mo thàimh?
50 Nach do rinn mo làmh na nithean seo uile?
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)