Colossenses 1

12 A’ tabhairt buidheachais don Athair, a rinn sinn iomchaidh a-chum a bhith nar luchd-compàirt de oighreachd nan naomh anns an t-solas:

13 A shaor sinn o chumhachd an dorchadais, agus a dh’atharraich sinn a-chum rìoghachd Mac a ghràidh-san:

14 Anns a bheil againn saorsa tre a fhuil, eadhon maitheanas nam peacaidhean:

15 Neach as e ìomhaigh an Dè neo-fhaicsinnich, ciad-ghin a’ chruthachaidh uile:

16 Oir is ann leis-san a chruthaicheadh na h-uile nithean, a tha air nèamh, agus a tha air thalamh, faicsinneach agus neo-fhaicsinneach, mas àrd-chathraichean iad, no tighearnais, no uachdaranachdan, no cumhachdan; is ann leis-san agus air a shon-san a chruthaicheadh na h-uile nithean:

17 Agus tha esan ro na h-uile nithean, agus trìdsan tha na h-uile nithean a’ co-sheasamh.