João 11

21 An sin thubhairt Marta ri Iosa, A Thighearna, nam biodh tusa an seo, chan fhaigheadh mo bhràthair bàs.

22 Ach tha fhios agam a-nis fhèin, ge bè air bith nithean a dh’iarras tu air Dia, gun toir Dia dhut iad.

23 Thubhairt Iosa rithe, Eiridh do bhràthair a-rìs.

24 Thubhairt Marta ris, Tha fhios agam gun èirich e a-rìs anns an aiseirigh air an là dheireannach.

25 Thubhairt Iosa rithe, Is mise an aiseirigh, agus a’ bheatha: an tì a chreideas annamsa, ged gheibheadh e bàs, bidh e beò:

26 Agus ge bè neach a tha beò, agus a’ creidsinn annamsa, chan fhaigh e bàs am feasd. A bheil thu a’ creidsinn seo?

27 Thubhairt i ris, Tha, a Thighearna: tha mi a’ creidsinn gur tusa Crìosd, Mac Dhè, a bha gu teachd a-chum an t-saoghail.