4 An sin chaidh Pilat a-mach a-rìs, agus thubhairt e riu, Feuch, tha mi ga thoirt a-mach dur n-ionnsaigh, a-chum gum bi fhios agaibh nach eil mise a’ faotainn coire sam bith ann.

5 An sin thàinig Iosa a-mach, agus an crùn droighinn air, agus an fhallaing phurpair uime. Agus thubhairt Pilat riu, Feuch an duine!

6 Uime sin, nuair a chunnaic na h-àrd-shagartan agus na maoir e, ghlaodh iad, ag ràdh, Ceus e, ceus e. Thubhairt Pilat riu, Gabhaibh-se e, agus ceusaibh e: oir chan eil mise a’ faotainn coire sam bith ann.