Marcos 5

25 Agus bha bean àraidh an sin, air an robh dòrtadh fala rè dà-bhliadhna-dheug.

26 Agus dh’fhulaing i mòran o iomadh lèigh, agus chaith i na bha aice, agus cha b’fheàirrd i a’ bheag e, ach gum bu mhisde;

27 Nuair a chuala i iomradh air Iosa, thàinig i am measg an t-sluaigh o chùlaibh, agus bhean i ra aodach:

28 Oir thubhairt i, Ma dh’fhaodas mi beantainn ach ra aodach, slànaichear mi.

29 Agus air ball thiormaicheadh tobar a fala; agus dh’aithnich i air a corp fhèin gun do lèighseadh i on phlàigh sin.