Mateus 17

1 Agus an dèidh sia làithean, ghabh Iosa Peadar, agus Seumas, agus Eòin a bhràthair, agus thug e iad air leth gu beinn àird,

2 Agus dh’atharraicheadh a chruth nan làthair; agus dhealraich a aghaidh mar a’ ghrian, agus rinneadh a aodach geal mar an solas.

3 Agus, feuch, chunnacas leo Maois agus Elias a’ còmhradh ris.

4 An sin fhreagair Peadar, agus thubhairt e ri Iosa, A Thighearna, is math dhuinne a bhith an seo: mas àill leatsa, dèanamaid trì pàilleanan an seo: aon dhutsa, aon do Mhaois, agus aon do Elias.

5 Air dha a bhith fhathast a’ labhairt, feuch, thilg neul soillseach sgàil orra: agus, feuch, guth as an neul, ag ràdh, Is e seo mo Mhac gràdhach, anns a bheil mo mhòr-thlachd: èisdibh ris.