I SAMUEL 2

Ang awit na pagpapasalamat ni Ana.

1 At si Ana ay nanalangin, at nagsabi:

*Hanggang tal.10;Luc. 1:46-53.Nagagalak ang aking puso sa Panginoon;

*Awit 89:17,24.Ang aking sungay ay pinalaki ng Panginoon;

Binigyan ako ng bibig sa aking mga kaaway;

Sapagka’t ako’y *Awit 9:14;13:5.nagagalak sa iyong pagliligtas.

2 *Ex. 15:11.Walang banal na gaya ng Panginoon;

*Deut. 4:35.Sapagka’t walang iba liban sa iyo,

Ni may *Deut. 32:31.bato mang gaya ng aming Dios.

3 Huwag na kayong magsalita ng totoong *Awit 94:4;Mal. 3:13;Jud. 15.kapalaluan;

Huwag mabuka ang kahambugan sa inyong bibig;

Sapagka’t ang Panginoon ay Dios ng kaalaman,

At sa pamamagitan niya’y sinusukat ang mga kilos.

4 *Awit 37:15;46:9;76:3.Ang mga busog ng mga makapangyarihang tao ay nasisira;

At yaong nangatisod ay nabibigkisan ng kalakasan.

5 Yaong mga busog ay nagpaupa dahil sa tinapay;

At yaong mga gutom ay hindi na gutom:

*Awit 113:9;Is. 54:1.Oo, ang baog ay nanganak ng pito;

*Jer. 15:9.At yaong may maraming anak ay nanghihina.

6 Ang Panginoo’y pumapatay, at bumubuhay:

Siya ang nagbababa sa Sheol, at nagsasampa.

7 Ang Panginoo’y nagpapadukha at nagpapayaman:

*Awit 75:7.Siya ang nagpapababa, at siya rin naman ang nagpapataas.

8 *Awit 113:7,8.Kaniyang ibinabangon ang dukha mula sa alabok,

Kaniyang itinataas ang mapagkailangan mula sa dumihan,

Upang sila’y palukluking kasama ng mga prinsipe,

At magmana ng luklukan ng kaluwalhatian:

*Awit 24:2;102:25;104:5.Sapagka’t ang mga haligi ng lupa ay sa Panginoon,

At kaniyang ipinatong ang sanglibutan sa kanila.

9 *Awit 121:3.Kaniyang iingatan ang mga paa ng kaniyang mga banal;

Nguni’t ang masama ay patatahimikin sa mga kadiliman;

Sapagka’t sa pamamagitan ng kalakasan ay walang lalaking mananaig.

10 Yaong makipagkaalit sa Panginoon ay *Awit 2:9.malalansag;

Laban sa kanila’y kukulog siya *Awit 18:3.mula sa langit:

*Awit 96:13.Ang Panginoon ang huhukom sa mga wakas ng lupa;

At bibigyan niya ng kalakasan ang kaniyang hari,

At *Awit 89:24.palalakihin ang sungay ng kaniyang pinahiran ng langis.