6 Datapuwa’t sinasabi ko, *Gal. 6:7,9.Ang naghahasik ng bahagya na ay magaani namang bahagya na; at ang naghahasik na sagana ay magaani namang sagana.

7 Magbigay ang bawa’t isa ayon sa ipinasiya ng kaniyang puso: huwag *Deut. 15:10.mabigat sa loob, o dahil sa kailangan: sapagka’t iniibig ng Dios ang nagbibigay na masaya.

8 At maaaring *Fil. 4:19.gawin ng Dios na ang lahat ng biyaya ay magsisagana sa inyo; upang kayo, na mayroong laging buong kaya sa lahat ay magsipanagana sa bawa’t mabuting gawa:

9 Gaya ng nasusulat,

*Awit 112:9.Siyang nagsabog, siyang nagbigay sa mga dukha;

Ang kaniyang katuwiran ay nananatili magpakailan man.

10 At ang *Is. 55:10.nagbibigay ng binhi sa naghahasik at ng tinapay na pinakapagkain, ay magbibigay at magpaparami ng inyong binhi upang ihasik, at magdaragdag ng mga bunga ng inyong katuwiran:

11 Yamang kayo’y pinayaman sa lahat ng mga bagay na ukol sa lahat ng kagandahang-loob, *2 Cor. 1:11.na nagsisigawa sa pamamagitan namin ng pagpapasalamat sa Dios.

12 Sapagka’t ang pangangasiwa sa paglilingkod na ito ay hindi lamang *2 Cor. 8:14.tumatakip sa pangangailangan ng mga banal, kundi naman umaapaw sa pamamagitan ng maraming pagpapasalamat sa Dios;