1 At siya’y naparoon din naman sa Gawa 14:6.Derbe at sa Listra: at narito, naroon ang isang alagad, na nagngangalang Gawa 17:14,15;18:5;19:22;20:4;1 Tim. 1:2,18;2 Tim. 1:2.Timoteo, na 2 Tim. 1:5.anak ng isang Judiang sumasampalataya; datapuwa’t Griego ang kaniyang ama.
2 Siya’y may mabuting patotoo ng mga kapatid na nangasa Listra at Iconio.
3 Iniibig ni Pablo na sumama siya sa kaniya; at 1 Cor. 9:20;Gal. 2:3;5:2.kaniyang kinuha siya at tinuli dahil sa mga Judio na nangasa mga dakong yaon: sapagka’t nalalaman ng lahat na ang kaniyang ama’y Griego.
4 At sa kanilang pagtahak sa mga bayan, ay ibinigay sa kanila Gawa 15:28,29.ang mga utos na inilagda ng mga apostol at ng mga matanda sa Jerusalem, upang kanilang tuparin.
5 Kaya nga, Gawa 15:41.ang mga iglesia’y pinalakas sa pananampalataya at naragdagan ang bilang araw-araw.
6 At nang kanilang matahak ang lupain ng Frigia at Gawa 18:23;1 Cor. 16:1;Gal. 1:2;3:1.Galacia, ay pinagbawalan sila ng Espiritu Santo na saysayin ang salita sa Asia;
7 At nang sila’y magsidating sa tapat ng Misia, ay pinagsikapan nilang magsipasok sa Bitinia; at hindi sila tinulutan ng Espiritu ni Jesus;
8 At pagkaraan nila sa Misia, ay nagsilusong sila sa Gawa 20:5,6.Troas.
9 At napakita ang isang pangitain sa gabi kay Pablo: May isang lalaking taga Macedonia na nakatayo, na namamanhik sa kaniya, at sinasabi, Tumawid ka sa Macedonia, at tulungan mo kami.
10 At pagkakita niya sa pangitain, pagdaka’y pinagsikapan naming magsiparoon sa Macedonia, na pinatutunayang kami’y tinawag ng Dios upang sa kanila’y ipangaral ang evangelio.
11 Pagtulak nga sa Troas, ay pinunta namin ang Samotracia, at nang kinabukasa’y ang Neapolis;
12 At mula doo’y Fil. 1:1.ang Filipos, na isang bayan ng Macedonia, na siyang tal.21.una sa purok, lupang nasasakupan ng Roma: at nangatira kaming ilang araw sa bayang yaon.
13 At nang araw Gawa 13:14.ng sabbath ay nagsilabas kami sa labas ng pintuan sa tabi ng ilog, na doo’y sinapantaha naming may mapapanalanginan; at kami’y nangaupo, at nakipagsalitaan sa mga babaing nangagkatipon.
14 At isang babaing nagngangalang Lidia, na mangangalakal ng kayong kulay-ube, na taga bayan ng Apoc. 1:11.Tiatira, isang masipag sa kabanalan, ay nakinig sa amin: na binuksan ng Panginoon ang kaniyang puso upang unawain ang mga bagay na sinalita ni Pablo.
15 At nang siya’y mabautismuhan na, Gawa 11:14.at ang kaniyang mga kasangbahay, ay namanhik siya sa amin, na sinasabi, Kung inyong inaakalang ako’y tapat sa Panginoon, ay magsipasok kayo sa aking bahay, at kayo’y magsitira doon. At kami’y pinilit niya.
16 At nangyari, na nang kami’y nagsisiparoon sa mapapanalanginan, ay sinalubong kami ng isang dalagang may karumaldumal na espiritu ng panghuhula, at nagdadala ng maraming pakinabang sa kaniyang mga panginoon sa pamamagitan ng panghuhula.
17 Siya’y sumusunod kay Pablo at sa amin at nagsisigaw, na sinasabi, Mga alipin ng Kataastaasang Dios ang mga taong ito, na nagsisipangaral sa inyo ng daan ng kaligtasan.
18 At maraming mga araw na ginawa niya ito. Datapuwa’t palibhasa’y si Pablo ay totoong nababagabag, ay lumingon at sinabi sa espiritu, Iniuutos ko sa iyo sa pangalan ni Jesucristo na lumabas ka sa kaniya. At ito ay lumabas nang oras ding yaon.
19 Datapuwa’t nang makita ng Gawa 19:25,26.kaniyang mga panginoon na wala na ang inaasahan nilang kapakinabangan, ay hinuli nila si Pablo at si Silas, at kinaladkad sila sa pamilihan, sa harapan ng mga may kapangyarihan,
20 At nang maiharap na sila sa mga hukom, ay sinabi nila, Ang mga lalaking ito, palibhasa’y mga Judio, Gawa 17:6.ay nagsisipanggulong totoo sa ating bayan,
21 At nangaghahayag ng mga kaugaliang hindi matuwid nating tanggapin, o gawin, palibhasa tayo’y tal.12.Romano.
22 At samasamang nagsitindig ang karamihan laban sa kanila: at hinapak ng mga hukom ang kanilang mga damit, at 1 Tes. 2:2.ipinapalo sila ng mga panghampas.
23 At nang sila’y 2 Cor. 6:5.mapalo na nila ng marami, ay ipinasok sila sa bilangguan, na ipinagtatagubilin sa tagapamahala na sila’y bantayang maigi:
24 Na, nang tanggapin nito ang gayong tagubilin, ay ipinasok sila sa kalooblooban ng bilangguan, at piniit ang kanilang mga paa sa mga pangawan.
25 Datapuwa’t nang maghahatinggabi na si Pablo at si Silas ay nagsipanalangin at nagsiawit ng mga himno sa Dios, at sila’y pinakikinggan ng mga bilanggo;
26 At Gawa 4:31.kaginsaginsa’y nagkaroon ng isang malakas na lindol, ano pa’t nangagsiuga ang mga patibayan ng bahay-bilangguan: at pagdaka’y nangabuksan ang Gawa 5:19;12:7,10.lahat ng mga pinto; at nangakalas ang mga gapos ng bawa’t isa.
27 At ang tagapamahala, palibhasa’y nagising sa pagkakatulog at nang makitang bukas ang mga pinto ng bilangguan, ay binunot ang kaniyang tabak at magpapakamatay sana, sa pagaakalang nangakatakas na ang mga bilanggo.
28 Datapuwa’t sumigaw si Pablo ng malakas na tinig, na sinasabi, Huwag mong saktan ang iyong sarili: sapagka’t nangaririto kaming lahat.
29 At siya’y humingi ng mga ilaw at tumakbo sa loob, at, nanginginig sa takot, ay nagpatirapa sa harapan ni Pablo at ni Silas,
30 At sila’y inilabas at sinabi, Mga ginoo, ano ang kinakailangan kong gawin upang maligtas?
31 At kanilang sinabi, Juan 6:47.Manampalataya ka sa Panginoong Jesus, at maliligtas ka, ikaw at Gawa 11:14.ang iyong sangbahayan.
32 At sa kaniya’y sinalita nila ang salita ng Panginoon, pati sa lahat ng nangasa kaniyang bahay.
33 At sila’y kaniyang kinuha nang oras ding yaon ng gabi, at hinugasan ang kanilang mga latay; at pagdaka’y binautismuhan, siya at ang buong sangbahayan niya.
34 At sila’y kaniyang ipinanhik sa kaniyang bahay, at hinainan sila ng pagkain, at nagalak na totoo, pati ng buong sangbahayan niya, na nagsisampalataya sa Dios.
35 Datapuwa’t nang umaga na, ang mga hukom ay nangagsugo ng mga sarhento, na nagsasabi, Pawalan mo ang mga taong iyan.
36 At iniulat ng tagapamahala kay Pablo ang mga salitang ito, na sinasabi, Ipinagutos ng mga hukom na kayo’y pawalan: ngayon nga’y magsilabas kayo, at magsiyaon kayong payapa.
37 Datapuwa’t sinabi sa kanila ni Pablo, Pinalo nila kami sa hayag, na hindi nangahatulan, Gawa 22:25.bagama’t mga lalaking Romano, at kami’y ibinilanggo; at ngayo’y lihim na kami’y pinawawalan nila? tunay na hindi nga; kundi sila rin ang magsiparito at kami’y pawalan.
38 At iniulat ng mga sarhento ang mga salitang ito sa mga hukom: at Gawa 22:29.sila’y nangatakot nang kanilang marinig na sila’y mga Romano;
39 At sila’y nagsiparoon at pinamanhikan sila; at nang kanilang mailabas na sila, ay hiniling nila Mat. 8:34.sa kanila na magsilabas sa bayan.
40 At sila’y nagsilabas sa bilangguan, at tal.14.nagsipasok sa bahay ni Lidia: at nang makita nila ang mga kapatid, ay kanilang inaliw sila, at nagsialis.