1 Nang magkagayo’y Hanggang tal.28;Mar. 7:1-30.nagsilapit kay Jesus na mula sa Jerusalem ang mga Fariseo at ang mga eskriba, na nagsisipagsabi,
2 Bakit ang iyong mga alagad ay nagsisilabag sa sali’t-saling sabi ng matatanda? sapagka’t hindi sila nangaghuhugas ng kanilang mga kamay pagka nagsisikain sila ng tinapay.
3 At siya’y sumagot at sinabi sa kanila, Bakit naman kayo’y nagsisilabag sa utos ng Dios dahil sa inyong sali’t-saling sabi?
4 Sapagka’t sinabi ng Dios, Ex. 20:12.Igalang mo ang iyong ama at ang iyong ina: at, Ex. 21:17.Ang manungayaw sa ama at sa ina, ay mamatay siyang walang pagsala.
5 Datapuwa’t sinasabi ninyo, Sinomang magsabi sa kaniyang ama o sa kaniyang ina, Yaong mangyayaring pakinabangan mo sa akin ay hain ko na sa Dios:
6 Ay hindi niya igagalang ang kaniyang ama. At niwalan ninyong kabuluhan ang salita ng Dios dahil sa inyong sali’t-saling sabi.
7 Kayong mga mapagpaimbabaw, mabuti ang pagkahula sa inyo ni Isaias, na nagsasabi,
8 Ang bayang ito’y iginagalang ako Is. 29:13.ng kanilang mga labi;
Datapuwa’t ang kanilang puso ay malayo sa akin.
9 Datapuwa’t walang kabuluhan ang pagsamba nila sa akin,
Na nagtuturo ng kanilang Col. 2:22;Tit. 1:14.pinakaaral ang mga utos ng mga tao.
10 At pinalapit niya sa kaniya ang karamihan, at sa kanila’y sinabi, Pakinggan ninyo, at unawain.
11 Hindi ang pumapasok sa bibig ang siyangGawa 10:14,15.nakakahawa sa tao; kundi ang lumalabas sa bibig, ito ang nakakahawa sa tao.
12 Nang magkagayo’y nagsilapit ang mga alagad, at sa kaniya’y sinabi, Nalalaman mo bagang nangagdamdam ang mga Fariseo, pagkarinig nila ng pananalitang ito?
13 Datapuwa’t sumagot siya at sinabi, Juan 15:2.Ang bawa’t halamang hindi itinanim ng aking Ama na nasa kalangitan, ay bubunutin.
14 Pabayaan ninyo sila: Mat. 23:16,24.sila’y mga bulag na tagaakay. At kung ang bulag ay umakay sa bulag, ay kapuwa sila mangahuhulog sa hukay.
15 At sumagot si Pedro, at sinabi Mar. 7:17.sa kaniya, Ipaliwanag mo sa amin ang talinghaga.
16 At sinabi niya, Kayo baga nama’y wala pa ring pagiisip?
17 Hindi pa baga ninyo nalalaman, na ang anomang pumapasok sa bibig ay tumutuloy sa tiyan, at inilalabas sa daanan ng dumi?
18 Datapuwa’t Sant. 3:6.ang mga bagay na lumalabas sa bibig ay sa puso nanggagaling; at siyang nangakakahawa sa tao.
19 Sapagka’t sa puso nanggagaling ang masasamang pagiisip, mga pagpatay, mga pangangalunya, pakikiapid, mga pagnanakaw, mga pagsaksi sa di katotohanan, mga pamumusong:
20 Ito ang mga bagay na nangakakahawa sa tao; datapuwa’t ang kumaing hindi maghugas Mar. 7:2,5.ng mga kamay ay hindi makakahawa sa tao.
21 At umalis doon si Jesus, at lumigpit sa mga sakop ng Mar. 3:8;7:31;Luc. 6:17.Tiro at Sidon.
22 At narito, ang isang babaing Cananea na lumabas sa mga hangganang yaon, at nagsisigaw, na nagsasabi, Kahabagan mo ako, Oh Panginoon, ikaw na Mat. 9:27.Anak ni David; ang aking anak na babae ay pinahihirapang lubha ng isang demonio.
23 Datapuwa’t siya’y hindi sumagot ng anomang salita sa kaniya. At nilapitan siya ng kaniyang mga alagad at siya’y pinamanhikan, na nangagsasabi, Mat. 14:15.Paalisin mo siya; sapagka’t nagsisisigaw siya sa ating hulihan.
24 Datapuwa’t siya’y sumagot at sinabi, Mat. 10:6.Hindi ako sinugo kundi sa mga tupang nangaligaw sa bahay ni Israel.
25 Datapuwa’t lumapit siya at Mat. 8:2.siya’y sinamba niya, na nagsasabi, Panginoon, saklolohan mo ako.
26 At siya’y sumagot at sinabi, Hindi marapat na kunin ang tinapay sa mga anak at itapon sa mga Mat. 7:6;Fil. 3:2;Apoc. 22:15.aso.
27 Datapuwa’t sinabi niya, Oo, Panginoon: sapagka’t ang mga aso man ay nagsisikain ng mga mumo na nangalalaglag mula sa dulang ng kanilang mga panginoon.
28 Nang magkagayo’y sumagot si Jesus at sinabi sa kaniya, Oh babae, Mat. 9:2.malaki ang pananampalataya mo: mangyari sa iyo ayon sa ibig mo. At gumaling ang kaniyang anak mula sa oras na yaon.
29 At umalis si Jesus doon, at Mar. 7:31-37.naparoon sa tabi ng dagat ng Galilea; at umahon sa bundok, at naupo doon.
30 At lumapit sa kaniya ang lubhang maraming tao, na may mga pilay, mga bulag, mga pipi, mga pingkaw, at iba pang marami, at sila’y kanilang inilagay sa kaniyang mga paanan; at sila’y pinagaling niya:
31 Ano pa’t nangagtaka ang karamihan, nang mangakita nilang nangagsasalita ang mga pipi, nagsisigaling ang mga pingkaw, at nagsisilakad ang mga pilay, at nangakakakita ang mga bulag: at kanilang niluwalhati ang Dios ng Israel.
32 At pinalapit ni Mar. 8:1-9.Jesus sa kaniya ang kaniyang mga alagad, at sinabi, Mat. 14:14-21;Mar. 6:34-44.Nahahabag ako sa karamihan, sapagka’t tatlong araw nang sila’y nagsisipanatili sa akin at wala silang makain: at di ko ibig na sila’y paalising nangagaayuno, baka sila’y manganglupaypay sa daan.
33 At sa kaniya’y sinabi ng mga alagad, Saan tayo mangakakakuha rito sa ilang ng sapat na daming tinapay na makabubusog sa ganyang lubhang napakaraming tao?
34 At sinabi ni Jesus sa kanila, Ilang tinapay mayroon kayo? At sinabi nila, Pito, at ilang maliliit na isda.
35 At iniutos niya sa karamihan na magsiupo sa lupa;
36 At kinuha niya ang pitong tinapay at ang mga isda; Mar. 8:6;14:23;Luc. 22:17,19;Juan 6:11,23;1 Cor. 10:30;11:24.at siya’y nagpasalamat at pinagputolputol, at ibinigay sa mga alagad, at ibinigay naman ng mga alagad sa mga karamihan.
37 At nagsikain silang lahat, at nangabusog: at pinulot nila ang lumabis sa mga pinagputolputol, na pitong bakol na puno.
38 At silang nagsikain ay apat na libong lalake, bukod ang mga babae at mga bata.
39 At HanggangMat. 16:12;Mar. 8:10-21.pinayaon niya ang mga karamihan at lumulan sa daong, at napasa mga hangganan ng Mat. 27:56.Magdala.