1 Dinidinig ng pantas na anak ang turo ng kaniyang ama:

*1 Sam. 2:25.Nguni’t hindi dinidinig ng mangduduwahagi ang saway.

2 Ang tao ay kakain ng mabuti ayon *Kaw. 12:14.sa bunga ng kaniyang bibig:

Nguni’t ang magdaraya ay kakain ng karahasan,

3 *Awit 141:3;Kaw. 21:23;Sant. 3:2.Siyang nagiingat ng kaniyang bibig, nagiingat ng kaniyang buhay:

Nguni’t siyang nagbubukang maluwang ng kaniyang mga labi ay magkakaroon ng kapahamakan.

4 Ang tamad ay nagnanasa, at walang anoman:

Nguni’t ang kaluluwa ng masipag ay tataba.

5 Ang matuwid ay nagtatanim sa pagsisinungaling:

Nguni’t ang masama ay kasuklamsuklam, at napapahiya.

6 Bumabantay *Kaw. 11:3,5,6.ang katuwiran sa matuwid na lakad;

Nguni’t inilulugmok ng kasamaan ang makasalanan.

7 *Kaw. 11:24.May nagpapakayaman, gayon ma’y walang anoman:

*Kaw. 12:9;2 Cor. 6:10.May nagpapakadukha, gayon ma’y may malaking kayamanan.

8 Ang katubusan sa buhay ng tao ay siyang kaniyang mga kayamanan:

Nguni’t ang dukha ay hindi nakikinig sa banta.

9 Ang ilaw ng matuwid ay nagagalak:

*Job 18:5;21:17;Kaw. 24:20.Nguni’t ang ilawan ng masama ay papatayin.

10 Sa kapalaluan, ang dumarating ay pagtatalo lamang:

Nguni’t ang karunungan ay nangasa nangaturuang maigi.

11 Ang kayamanang tinangkilik sa walang kabuluhan ay *Kaw. 10:2;20:21.huhupa:

Nguni’t siyang nagpipisan sa paggawa ay mararagdagan.

12 Ang pagasa na nagluluwat ay nagpapasakit ng puso:

*tal.19.Nguni’t pagka ang nasa ay dumarating ay punong kahoy ng buhay.

13 *Kaw. 19:16.Sinomang humamak sa salita ay nagdadala ng kapahamakan sa sarili:

Nguni’t siyang natatakot sa utos ay gagantihin.

14 *Kaw. 10:11.Ang kautusan ng pantas ay bukal ng buhay,

Upang lumayo sa mga silo ng kamatayan.

15 Ang mabuting kaunawaan ay nagbibigay lingap:

Nguni’t ang lakad ng mananalangsang ay mahirap.

16 Bawa’t mabait na tao ay gumagawang may kaalaman:

Nguni’t ang mangmang ay nagkakalat ng kamangmangan.

17 Ang masamang sugo ay nahuhulog sa kasamaan:

Nguni’t ang tapat na *Kaw. 25:13.sugo ay kagalingan.

18 Karalitaan at kahihiyan ang tatamuhin ng nagtatakuwil ng saway:

Nguni’t *Kaw. 15:5,31,32.siyang nakikinig ng saway ay magkakapuri.

19 Ang nasa na natupad ay matamis sa kaluluwa:

Nguni’t kasuklamsuklam sa mga mangmang na humiwalay sa kasamaan.

20 Lumalakad ka na kasama ng mga pantas na tao, at ikaw ay magiging pantas;

Nguni’t ang kasama ng mga mangmang ay mapapariwara.

21 *Awit 32:10.Ang kasamaan ay humahabol sa mga makasalanan;

Nguni’t ang matuwid ay gagantihan ng mabuti.

22 Ang mabuti ay nagiiwan ng mana sa mga anak ng kaniyang mga anak;

*Job 27:16,17;Kaw. 28:8;Ec. 2:26.At ang kayamanan ng makasalanan ay nalalagay na ukol sa matuwid.

23 Maraming pagkain ang nasa pagsasaka ng dukha:

Nguni’t may napapahamak dahil sa kawalan ng kaganapan.

24 *Kaw. 19:18;22:15;23:13,14;29:15,17.Siyang naguurong ng kaniyang pamalo ay napopoot sa kaniyang anak:

Nguni’t siyang umiibig ay nagpaparusang maminsanminsan.

25 *Awit 34:9,10;37:3.Ang matuwid ay kumakain hanggang sa kabusugan ng kaniyang kaluluwa;

Nguni’t ang tiyan ng masama ay mangangailangan.