1 Anak ko, *Kaw. 11:15;17:18;20:16;22:26;27:13.kung ikaw ay naging mananagot sa iyong kapuwa,

Kung iyong ikinamay ang iyong kamay sa di kilala,

2 Ikaw ay nasilo ng mga salita ng iyong bibig,

Ikaw ay nahuli ng mga salita ng iyong bibig.

3 Gawin mo ito ngayon, anak ko, at lumigtas ka,

Yamang ikaw ay nahulog sa kamay ng iyong kapuwa:

Yumaon ka, magpakababa ka, at mangayupapa ka sa iyong kapuwa.

4 *Awit 132:4.Huwag mong bigyan ng tulog ang iyong mga mata.

O magpaidlip man sa iyong mga talukap-mata.

5 Lumigtas ka na parang usa sa kamay ng mangangaso,

At *Awit 91:3;124:7.parang ibon sa kamay ng mamimitag.

6 *Job 12:7.Pumaroon ka sa langgam, ikaw na tamad;

Masdan mo ang kaniyang mga lakad at magpakapantas ka:

7 Na bagaman walang pangulo,

Tagapamahala, o pinuno,

8 *Kaw. 30:25.Naghahanda ng kaniyang pagkain sa taginit,

At pinipisan ang kaniyang pagkain sa pagaani.

9 Hanggang kailan matutulog ka, Oh *Kaw. 24:33.tamad?

Kailan ka babangon sa iyong pagkakatulog?

10 Kaunti pang pagkakatulog, kaunti pang pagkaidlip,

Kaunti pang paghahalukipkip ng mga kamay upang matulog:

11 Sa gayo’y ang iyong karalitaan ay *Kaw. 10:4;13:4;20:4.darating na parang magnanakaw,

At ang iyong kasalatan na parang lalaking may sandata.

12 Taong walang kabuluhan, taong masama,

Ay siya na lumalakad na may masamang bibig;

13 *Job 15:12;Awit 35:19.Na kumikindat ng kaniyang mga mata, na nagsasalita ng kaniyang mga paa,

Na nagsasalita ng kaniyang mga daliri;

14 Pagdaraya ay nasa kaniyang puso, *Mik. 2:1.siya’y laging kumakatha ng kasamaan;

Siya’y naghahasik ng pagtatalo.

15 Kaya’t darating na bigla ang kaniyang kasakunaan;

Sa kabiglaanan *Jer. 19:11.ay mababasag siya, at *2 Cron. 36:16.walang kagamutan.

16 May anim na bagay na ipinagtatanim ng Panginoon;

Oo, pito na mga kasuklamsuklam sa kaniya:

17 *Awit 18:27;101:5.Mga palalong mata, *Awit 31:18;120:2,3.sinungaling na dila,

*Is. 1:15;59:3.At mga kamay na nagbububo ng walang salang dugo;

18 *Gen. 6:5.Puso na kumakatha ng mga masamang akala,

*Rom. 3:15.Mga paa na matulin sa pagtakbo sa kasamaan;

19 *Awit 27:12.Sinungaling na saksi na nagsasalita ng kabulaanan,

At ang *tal.4.naghahasik ng pagtatalo sa gitna ng magkakapatid.

20 Anak ko, *Kaw. 1:8.ingatan mo ang utos ng iyong ama,

At huwag mong kalimutan ang kautusan ng iyong ina:

21 *Kaw. 3:3;7:3.Ikintal mong lagi sa iyong puso,

Itali mo sa iyong *Kaw. 1:9.leeg.

22 Pagka ikaw ay lumalakad, papatnubay sa iyo;

Pagka ikaw ay natutulog, babantay sa iyo;

At pagka ikaw ay gumigising, makikipagusap sa iyo.

23 *Awit 19:8;119:105.Sapagka’t ang utos ay tanglaw; at ang kautusan ay liwanag;

At ang mga saway na turo ay daan ng buhay:

24 *Kaw. 2:16;5:3;7:5.Upang ingatan ka sa masamang babae,

Sa tabil ng dila ng di kilala.

25 *Mat. 5:28.Huwag mong pitahin ang kaniyang kagandahan sa iyong puso;

At huwag ka mang hulihin niya ng kaniyang mga talukap-mata.

26 Sapagka’t *Kaw. 29:3.dahil sa isang masamang babae ay walang naiiwan sa lalake kundi isang putol na tinapay:

At *Gen. 38:14.hinuhuli *Ezek. 13:18.ng mangangalunya ang mahalagang buhay.

27 Makakukuha ba ng apoy ang tao sa kaniyang sinapupunan,

At hindi masusunog ang kaniyang mga suot?

28 O makalalakad ba ang sinoman sa mga mainit na baga,

At ang kaniyang mga paa ay hindi mapapaso?

29 Gayon ang sumisiping sa asawa ng kaniyang kapuwa;

Sinomang humipo ay hindi maaaring di parusahan.

30 Hindi hinahamak ng mga tao ang magnanakaw kung siya’y nagnanakaw,

Upang busugin siya pagka siya’y gutom:

31 Nguni’t kung siya’y masumpungan, *Ex. 22:1,4.isasauli niyang makapito;

Kaniyang ibibigay ang lahat na laman ng kaniyang bahay.

32 Siyang nagkakamit ng pangangalunya sa isang babae ay *Kaw. 7:7.walang bait:

Ang gumagawa niyaon ay nagpapahamak sa kaniyang sariling kaluluwa.

33 Mga sugat at kasiraang puri ang tatamuhin niya;

At ang kaniyang kapintasan ay hindi mapapawi.

34 Sapagka’t ang paninibugho ay pagiinit ng tao;

At hindi siya magpapatawad sa kaarawan ng panghihiganti.

35 Hindi niya pakukundanganan ang anomang tubos;

Ni magpapahinga man siyang tuwa, bagaman ikaw ay magbigay ng maraming suhol.