بُطْرُسْ الأُولَى 5

8 رُدُّوا بَالْكُمْ وفِيقُوا، رَاهُو عْدُوكُمْ إِبْلِيسْ، قَاعِدْ يْدُورْ ويِزْئِرْ كِيفْ الصِّيدْ ويْلَوِّجْ عْلَى شْكُونْ يِبْلْعُو. 9 قَاوْمُوهْ وإِثْبْتُوا فِي إِيمَانْكُمْ، وأَعْرْفُوا الِّي خْوَاتْكُمْ المُؤْمْنِينْ فِي العَالِمْ الكُلْ يْعَانِيوْ مِنْ نَفْسْ الوْجَايَعْ. 10 وبَعْدْمَا تْعَذَّبْتُوا مُدَّة قْصِيرَة، اللَّهْ، الِّي يَعْطِي كُلْ نِعْمَة، ولِّي جَابْكُمْ لِلْمَسِيحْ بَاشْ تْشَارْكُوهْ فِي مَجْدُو الِّي مَا يُوفَاشْ، هُوَّ بِشْ يْثَبِّتْكُمْ ويْقَوِّيكُمْ ويِبْنِيكُمْ.