7 ومَانَا إِلَّا مَاعُونْ فُخَّارْ هَازْ الكِنْزْ هَاذَا، وهَاذَا يْبَيِّنْ الِّي القُوَّة العْظِيمَة هَاذِي جَايَة مِنْ عَنْدْ اللَّهْ، مُشْ مِنْ عَنْدْنَا. 8 تْضِيقْ بِينَا الدِّنْيَا مِالجِّيهَاتْ الكُلْ آمَا مَا نِتْغِلْبُوشْ، نْحِيرُوا آمَا مَا نْأَيْسُوشْ، 9 يِضْطَهْدُونَا النَّاسْ آمَا اللَّهْ مَا يْخَلِّينَاشْ، يُضُرْبُونَا آمَا مَا نْمُوتُوشْ. 10 وأَحْنَا دِيمَا فِي خْطَرْ إِنَّا نْمُوتُو كِيمَا يَسُوعْ، وهَكَّا بْدَنَّاتْنَا زَادَا تْظَهِّرْ الِّي يَسُوعْ يَحْيَا فِينَا. 11 عْلَى خَاطِرْ أَحْنَا الحَيِّينْ، نِتْعَرْضُوا دِيمَا لِلْمُوتْ عْلَى خَاطِرْ يَسُوعْ، بَاشْ حْيَاةْ يَسُوعْ تُظْهُرْ زَادَا فِي بْدَنَّاتْنَا الفَانْيَة.