كُونْ جُنْدِي صَالَحْ لْيَسُوعْ المَسِيحْ
1 وإِنْتِ يَا وِلْدِي، كُونْ قْوِي بِالنِّعْمَة الِّي فِي يَسُوعْ المَسِيحْ، 2 والتَّعْلِيمْ الِّي سْمَعْتُو مِنِّي بِحْضُورْ بَرْشَة شْهُودْ، أَعْطِيهْ أَمَانَة لْنَاسْ تَاثِقْ فِيهُمْ ويْكُونُوا قَادْرِينْ بَاشْ يْعَلْمُوا غِيرْهُمْ. 3 وإِتْحَمِّلْ الوْجَايِعْ كِيمَا جُنْدِي صَالَحْ لْيَسُوعْ المَسِيحْ. 4 عْلَى خَاطِرْ الجُنْدِي الِّي يْحِبْ يْرَضِّي القَايِدْ مْتَاعُو مَا يُقْعُدِشْ لَاهِي بْأُمُورْ الحَيَاةْ العَادِيَّة. 5 ولِّي يَلْعِبْ فِي رِيَاضَة مَا يِرْبِحْ الجَايْزَة كَانْ كِي يَلْعِبْ بْحَسْبْ قَانُونْهَا. 6 والفَلَّاحْ الِّي يِخْدِمْ ويِتْعِبْ يِلْزْمُو يْكُونْ أَوِّلْ وَاحِدْ يَاخِذْ بَايُو مِالغَلَّة.
11 الكْلَامْ هَاذَا صَادِقْ:
إِذَا كَانْ مُتْنَا مْعَاهْ،
بِشْ نَحْيَاوْ مْعَاهْ.
12 وإِذَا تْحَمَّلْنَا،
بِشْ نِمْلْكُوا مْعَاهْ،
وإِذَا نْكَرْنَاهْ
هُوَّ زَادَا بِشْ يُنْكُرْنَا.
13 وإِذَا خُنَّا الأَمَانَة،
هُوَّ يَبْقَى أَمِينْ،
خَاطِرْ مَا يْنَجَّمِشْ يُنْكُرْ نَفْسُو.