الرُّؤْيَا 19

تَسْبِيحْ فِي السْمَاء

1 بَعْدْ هَاذَا، سْمَعْتْ صُوتْ عَالِي كَايِنُّو صُوتْ جُمْهُورْ كْبِيرْ فِي السْمَاء يْقُولْ:

«هَلِّلُويَا!

النْجَاةْ والمَجْدْ والقُدْرَة لْإِلَاهْنَا،

2 عْلَى خَاطِرْ أَحْكَامُو صْحِيحَة وعَادْلَة.

حْكُمْ عَالزَّانْيَة الكْبِيرَة،

الِّي فَسْدِتْ الأَرْضْ بِزْنَاهَا،

وإِنْتَقَمْ مِنْهَا عْلَى خَاطِرْ دَمْ عَبِيدُو».

3 وقَالُوا مَرَّة أُخْرَى:

«هَلِّلُويَا!

دُخَّانْ حْرِيقِتْهَا بِشْ يِبْقَى طَالَعْ لْأَبَدْ الآبِدِينْ».