الخِتْمْ السَّابَعْ
1 وكِي حَلْ الخَرُوفْ الخِتْمْ السَّابَعْ، صَارْ سْكَاتْ فِي السْمَاء قْرِيبْ النُّصْ سَاعَة. 2 وشُفْتْ المْلَايْكَة السَّبْعَة الِّي وَاقْفِينْ قُدَّامْ اللَّهْ، تِعْطَالْهُمْ سَبْعَة أَبْوَاقْ. 3 وجَاء مَلَاكْ آخِرْ هَازِزْ مَبْخْرَة ذْهَبْ ووْقِفْ بَحْذَا المَذْبَحْ، وتِعْطَالُو بَرْشَة بْخُورْ بَاشْ يْقَدْمُو مْعَ صْلَاوَاتْ القِدِّيسِينْ عْلَى مَذْبَحْ الذَهَّبْ الِّي قُدَّامْ العَرْشْ. 4 يَاخِي طْلَعْ مِنْ يِدْ المَلَاكْ دُخَّانْ البْخُورْ ومْعَاهْ صْلَاوَاتْ القِدِّيسِينْ قُدَّامْ اللَّهْ. 5 ومْبَعِّدْ هَزْ المَلَاكْ المَبْخْرَة، وعَبَّاهَا بِجْمَرْ مِالمَذْبَحْ، ورْمَاهَا عَالأَرْضْ، يَاخِي صَارِتْ أَصْوَاتْ وبَرْشَة بْرَقْ ورْعَدْ وزْلَازِلْ.