2 وقْتَلْ يَعْقُوبْ خُو يُوحَنَّا بْسِيفْ. 5 هَاذَاكَا عْلَاشْ خَلَّاهْ فِي الحَبْسْ، آمَا الكْنِيسَة كَانِتْ تْصَلِّي لِلَّهْ بْقُوَّة عْلَى خَاطْرُو.
12 وَقْتِلِّي فْهِمْ هَاذَا، مْشَى لْدَارْ مَرْيِمْ أُمْ يُوحَنَّا الِّي يْسَمِّيوَهْ مُرْقُسْ، وِينْ كَانُوا بَرْشَة مُؤْمْنِينْ مَلْمُومِينْ يْصَلِّيوْ. 13 دَقْ عَالبَابْ البَرَّانِي، يَاخِي جَاتْ خْدِيمَة اسْمْهَا رُودَة بَاشْ تْشُوفْ شْكُونْ. 14 وكِي سَمْعِتْ صُوتْ بُطْرُسْ عَرْفِتُّو. يَاخِي مِنْ فَرْحِتْهَا نْسَاتْ بَاشْ تْحِلْ البَابْ ودَخْلِتْ تِجْرِي وقَالْتِلْهُمْ: «رَاهُو بُطْرُسْ وَاقِفْ قُدَّامْ البَابْ!». 15 قَالُولْهَا: «إِنْتِ تْهَتْرِي!». آمَا هِيَّ شَدِّتْ صْحِيحْ فِي كْلَامْهَا، يَاخِي قَالُوا: «مَالَا هَاذَا مَلَاكُو!». 16 وقْعَدْ بُطْرُسْ يْدُقْ فِي البَابْ حَتَّى لِينْ حَلُّولُو، وكِيفْ شَافُوهْ بِهْتُوا.