أَعْمَالْ 12:7-10

7 وإِذَا بِيهْ ظْهُرْ مَلَاكْ مِنْ عَنْدْ الرَّبْ، والبِيتْ الِّي كَانْ مَرْبُوطْ فِيهَا الكُلْهَا ضْوَاتْ. وهْمِزْ المَلَاكْ بُطْرُسْ فِي جَنْبُو وفَيْقُو وقَالُّو: «قُومْ فِيسَعْ!». يَاخِي طَاحُوا السْلَاسِلْ الزُّوزْ مِنْ يْدِيهْ. 8 وقَالُّو المَلَاكْ: «إِلْبِسْ حْزَامِكْ وصَنْدَالِكْ». وعْمَلْ بُطْرُسْ كِيمَا قَالُّو، مْبَعِّدْ زَادْ قَالُّو: «إِلْبِسْ بَرْنُوسِكْ وتَبَّعْنِي!». 9 وخْرَجْ بُطْرُسْ يْتَبَّعْ فِي المَلَاكْ، ومَا كَانِشْ يَعْرِفْ إِنُّو الِّي عَمْلُو المَلَاكْ حْقِيقَة، مَاشِي فِي بَالُو قَاعِدْ يْشُوفْ فِي رُؤْيَا. 10 وَقْتِلِّي تْعَدَّاوْ عْلَى فِرْقِةْ العَسْكَرْ الأُولَى والثَّانِيَة ووُصْلُوا لْبَابْ الحَبْسْ الحْدِيدْ الِّي يْهِزْ لِلْمْدِينَة، تْحَلِّلْهُمْ البَابْ وَحْدُو، وخَرْجُوا. وبَعْدْمَا مْشَاوْ فِي أَوِّلْ النَهْجْ، خَلَّاهْ المَلَاكْ ومْشَى بِالوَقْتْ.