المَشْلُولْ يِتْشْفَى
1 نْهَارْ مِالنْهَارَاتْ، مْشَى بُطْرُسْ ويُوحَنَّا لِلْهَيْكِلْ فِي وَقْتْ صْلَاةْ الثْلَاثَة مْتَاعْ العْشِيَّة. 2 وكَانْ بَحْذَا بَابْ الهَيْكِلْ الِّي يِتْسَمَّى بَابْ جْمِيلْ، رَاجِلْ مَشْلُولْ مِلِّي تُولِدْ، يْجِيبُوهْ النَّاسْ كُلْ يُومْ ويْحُطُّوهْ غَادِي ويُقْعُدْ يُطْلُبْ فِي الصَّدْقَة مِنْ عَنْدْ النَّاسْ الدَّاخْلِينْ. 6 يَاخِي قَالُّو بُطْرُسْ: «لَا عَنْدِي فُضَّة ولَا ذْهَبْ، آمَا الِّي عَنْدِي نَعْطِيهُولِكْ: بْإِسْمْ يَسُوعْ المَسِيحْ النَّاصْرِي قُومْ وامْشِي!». 7 وشَدُّو مِنْ يِدُّو اليْمِينْ وقَوْمُو. وبِالوَقْتْ رَجْعِتْ القُوَّة فِي سَاقِيهْ وقْدَامُو. 8 ونَڨِّزْ ووْقِفْ وبْدَا يِمْشِي. ودْخَلْ مْعَاهُمْ لِلْهَيْكِلْ وهُوَّ يِمْشِي ويْنَڨِّزْ وطَايِرْ مِالفَرْحَة ويِحْمِدْ فِي اللَّهْ.