كَانْ سْمَعْتُوا صُوتُو مَا تْكَسْحُوشْ قْلُوبْكُمْ
7 هَاذَاكَا عْلَاشْ، كِيمَا يْقُولْ الرُّوحْ القُدُسْ:
«اليُومْ، إِذَا سْمَعْتُوا صُوتْ اللَّهْ،
8 مَا تْكَسْحُوشْ قْلُوبْكُمْ كِيمَا عَمْلُوا جْدُودْكُمْ،
نْهَارِةْ الِّي عْصَاوْنِي،
نْهَارِةْ الِّي جَرْبُونِي فِي الصَّحْرَاء.
12 مَالَا يَا خْوَاتِي، رُدُّوا بَالْكُمْ لَا يْكُونْ فِيكُمْ وَاحِدْ قَلْبُو شِرِّيرْ ومَافِيهِشْ إِيمَانْ، يْخَلِّيهْ يِبْعِدْ عْلَى اللَّهْ الحَيْ، 13 آمَا مَادَامْ «اليُومْ» الِّي تْقُولْ عْلِيهْ الكْتُبْ المُقَدْسَة مَزَّالْ مَوْجُودْ، شَجْعُوا بْعَضْكُمْ كُلْ يُومْ، بَاشْ حَتَّى وَاحِدْ فِيكُمْ مَا تْغُرُّو الخَطِيئَة وتْكَسَّحْلُو قَلْبُو. 15 كِيمَا تْقُولْ الكْتُبْ المُقَدْسَة:
«اليُومْ، إِذَا سْمَعْتُوا صُوتْ اللَّهْ،
مَا تْكَسْحُوشْ قْلُوبْكُمْ كِيمَا عَمْلُوا جْدُودْكُمْ،
نْهَارِةْ الِّي عْصَاوْنِي».