14 والكِلْمَة وَلَّى بَشَرْ،
وعَاشْ بِينَاتْنَا
مِلْيَانْ بِالنِّعْمَة والحَقْ.
وشُفْنَا مَجْدُو،
المَجْدْ الِّي خْذَاهْ مِنْ عَنْدْ الآبْ،
بِإِعْتِبَارُو إِبْنُو الوَحِيدْ.
15 وشْهِدْلُو يُوحَنَّا وقَالْ: «هَاذَا هُوَّ الِّي قُلْتْ عْلِيهْ: الِّي جَايْ بَعْدِي هُوَّ أَعْظَمْ مِنِّي عْلَى خَاطْرُو كَانْ قَبْلِي». 16 وأَحْنَا الكُلْنَا خْذِينَا مِنْ نِعْمْتُو الفَايْضَة، نِعْمَة فُوقْ نِعْمَة، 17 عْلَى خَاطِرْ اللَّهْ عْطَانَا الشَّرِيعَة عْلَى طْرِيقْ مُوسَى، آمَا الحَقْ والنِّعْمَة جَاوْ عْلَى طْرِيقْ يَسُوعْ المَسِيحْ.