يُوحَنَّا 2

يَسُوعْ يْطَرِّدْ البَيَّاعَة مِالهَيْكِلْ

13 وكِي قْرُبْ عِيدْ الفِصْحْ اليْهُودِي، طْلَعْ يَسُوعْ لْأُورْشَلِيمْ. 14 ولْقَى فِي الهَيْكِلْ بَيَّاعِةْ البْڨَرْ والغْنَمْ والحْمَامْ، ولِّي يْصَرْفُوا فِي الفْلُوسْ حَاطِّينْ طْوَاوِلْهُمْ وقَاعْدِينْ. 15 يَاخِي عْمَلْ سُوطْ مِنْ حْبَالْ، وطَرِّدْهُمْ الكُلْ مِالهَيْكِلْ، هُومَا وغْنَمْهُمْ وبْڨَرْهُمْ. وقْلِبْ طْوَاوِلْ النَّاسْ الِّي يْصَرْفُوا فِي الفْلُوسْ وفَرْتِلْهُمْ فْلُوسْهُمْ. 16 وقَالْ لْبَيَّاعِةْ الحْمَامْ: «هِزُّوا حْمَامْكُمْ مِنْ هُونِي! مَا تْرُدُّوشْ دَارْ بَابَا سُوقْ لِلْبِيعْ والشْرَى». 17 يَاخِي تْذَكْرُوا تْلَامِذْتُو المَكْتُوبْ فِي الكْتُبْ المُقَدْسَة: «الغِيرَة عْلَى دَارِكْ كْلَاتْنِي».