46 وقَالِتْ مَرْيِمْ:

«نَفْسِي تْعَظِّمْ الرَّبْ،

47 ورُوحِي تِفْرَحْ بِاللَّهْ الِّي يْنَجِّينِي.

48 عْلَى خَاطْرُو نْعِمْ عْلِيَّا آنَا خْدِيمْتُو البْسِيطَة!

ومِنْ تَوَّا الأَجْيَالْ الكُلْ بِشْ يْقُولُوا صَحَّة لِيهَا.

49 عْلَى خَاطِرْ اللَّهْ القَادِرْ عْلَى كُلْ شَيْ عْمَلْ مْعَايَا حَاجَاتْ عْظِيمَة.

إِسْمُو قُدُّوسْ،

50 ورَحْمْتُو لِلِّي يَتَّقِيوُهْ،

تِبْقَى مِنْ جِيلْ لْجِيلْ.

51 بْقُدْرْتُو عْمَلْ حَاجَاتْ عْظِيمَة.

وشَرِّدْ الِّي قْلُوبْهُمْ مِتْكَبْرَة.

52 هَبِّطْ الحُكَّامْ مِنْ عَرْشْهُمْ،

ورْفَعْ المِتْوَاضْعِينْ.

53 شَبَّعْ الجْوَاعَى بِالخِيرَاتْ،

ورَجَّعْ الغُنْيَا بِيْدِيهُمْ فَارْغِينْ.

54 عَاوِنْ إِسْرَائِيلْ عَبْدُو،

عْلَى خَاطِرْ وِعْدُو بِشْ يَرَحْمُو،

55 كِيمَا وْعِدْ جْدُودْنَا،

إِبْرَاهِيمْ وذُرِّيتُو لِلْأَبَدْ».