Mateus 13

13 هَاذَاكَا عْلَاشْ آنَا نْكَلِّمْ فِيهُمْ بِالأَمْثَالْ عْلَى خَاطِرْهُمْ يُخْزْرُوا ومَا يْشُوفُوشْ ويِسْمْعُوا ومَا يِفْهْمُوشْ. 14 وهُومَا الِّي تْحَقْقِتْ فِيهُمْ نُبُوِّةْ إِشَعْيَاءْ الِّي تْقُولْ:

"مَهْمَا سْمَعْتُوا،

مَاكُمْشْ بِشْ تِفِهْمُوا،

ومَهْمَا خْزَرْتُوا،

مَاكُمْشْ بِشْ تْشُوفُوا.

15 عْلَى خَاطِرْ الشَّعْبْ هَاذَا قَلْبُو كْسَاحْ،

وسَمَعْهُمْ ثْقُلْ،

وغَمْضُوا عِينِيهُمْ،

بَاشْ مَا يْشُوفُوشْ بْعِينِيهُمْ،

ومَا يِسْمْعُوشْ بْوِذْنِيهُمْ،

ومَا يِفْهْمُوشْ بِقْلُوبْهُمْ،

ومَا يْتُوبُوشْ بَاشْ نِشْفِيهُمْ".