يُوسِفْ يُهْرِبْ بْعَايِلْتُو لْمَصْرْ
13 وبَعْدْمَا رَوْحُوا الحُكَمَاءْ، ظْهُرْ مَلَاكْ مِنْ عَنْدْ الرَّبْ لْيُوسِفْ فِي المْنَامْ وقَالُّو: «قُومْ! هِزْ الطْفُلْ وأُمُّو وأُهْرُبْ لْمَصْرْ، وإِبْقَى غَادِي حَتَّى لِينْ نْقُلِّكْ وَقْتَاشْ تِرْجَعْ، عْلَى خَاطِرْ هِيرُودُسْ نَاوِي يْلَوِّجْ عْلِيهْ ويُقْتْلُو». 14 وفِي نَفْسْ اللِّيلَة قَامْ يُوسِفْ وهَزْ الطْفُلْ وأُمُّو ومْشَى لْمَصْرْ. 15 وبْقَى فِيهَا حَتَّى لِينْ مَاتْ هِيرُودُسْ، وهَكَّا صَارْ الِّي قَالُو الرَّبْ عْلَى طْرِيقْ النَّبِيْ: «عَيَّطْتْ لْإِبْنِي مِنْ مَصْرْ».
هِيرُودُسْ يُأْمُرْ بْقَتْلَانْ الصْغَارْ
16 وكِي فْهِمْ هِيرُودُسْ الِّي الحُكَمَاءْ تْمَسْخْرُوا عْلِيهْ، تْغَشِّشْ عَالإِخِّرْ وعْطَى أَمْرْ بَاشْ يُقْتْلُوا الصْغَارْ الكُلْ الِّي فِي بَيْتْ لَحْمْ والبْلَايِصْ الدَّايْرَة بِيهَا الِّي عْمَارْهُمْ عَامِينْ وأَقَلْ، بْحَسْبْ الوَقْتْ الِّي قَالُولُو عْلِيهْ الحُكَمَاءْ.