11 آنَا نْعَمِّدْكُمْ بِالمَاء كِي اتُّوبُوا، آمَا الِّي بِشْ يْجِي بَعْدِي رَاهُو أَقْوَى مِنِّي، وآنَا مَا نِسْتَاهِلْشْ حَتَّى نْهِزْلُو صَنْدَالُو. هُوَّ بِشْ يْعَمِّدْكُمْ بِالرُّوحْ القُدُسْ والنَّارْ.
مَعْمُودِيِّةْ يَسُوعْ
13 فِي الوَقْتْ هَاذَاكَا جَاء يَسُوعْ مِنْ مَنْطَقْةْ الجَلِيلْ لْوَادْ الأُرْدُنْ، ومْشَى لْيُوحَنَّا بَاشْ يِتْعَمِّدْ عْلَى يْدِيهْ. 14 آمَا يُوحَنَّا مَا خَلَّاهِشْ وقَالُّو: «آنَا هُوَّ الِّي مِسْتْحَقْ نْجِيكْ تْعَمِّدْنِي، كِيفَاشْ إِنْتِ الِّي تْجِينِي؟» 15 يَاخِي جَاوْبُو يَسُوعْ: «خَلِّي هَاذَا يْصِيرْ تَوَّا، عْلَى خَاطِرْ هَكَّا نْتَمْمُوا كُلْ مَاهُو صَالَحْ». يَاخِي وَافْقُو يُوحَنَّا. 16 وبِالوَقْتْ بَعْدْمَا تْعَمِّدْ يَسُوعْ وخْرَجْ مِالمَاء، تْحَلِّتْلُو السْمَاء، وشَافْ رُوحْ اللَّهْ هَابِطْ كِالحْمَامَة وحَطْ عْلِيهْ. 17 وإِذَا بِيهْ صُوتْ مِالسْمَاء يْقُولْ: «هَاذَا هُوَّ إِبْنِي الِّي نْحِبُّو ولِّي آنَا فَرْحَانْ بِيهْ».