مَتَّى 4:1-4,7,10

إِبْلِيسْ يْجَرِّبْ فِي يَسُوعْ

1 وهَزْ الرُّوحْ القُدُسْ يَسُوعْ لِلْخْلَاء بَاشْ إِبْلِيسْ يْجَرْبُو. 2 وبَعْدْمَا صَامْ 40 يُومْ و40 لِيلَة، جَاعْ. 3 قْرُبْلُو إِبْلِيسْ الِّي يْجَرِّبْ وقَالُّو: «كَانِكْ إِنْتِ إِبْنْ اللَّهْ، قُولْ لِلْحْجَرْ هَاذَا يْوَلِّي خُبْزْ». 4 يَاخِي جَاوْبُو يَسُوعْ: «مَكْتُوبْ فِي الكْتُبْ المُقَدْسَة:

"الإِنْسَانْ مَا يْعِيشِشْ كَانْ بِالخُبْزْ،

آمَا يْعِيشْ بْكُلْ كِلْمَة تُخْرُجْ مِنْ فُمْ اللَّهْ"».

7 جَاوْبُو يَسُوعْ: «مَكْتُوبْ زَادَا: "مَا تْجَرَّبْشْ الرَّبْ إِلَاهِكْ"».

10 يَاخِي جَاوْبُو يَسُوعْ: «إِبْعِدْ عْلِيَّا يَا شِيطَانْ! عْلَى خَاطِرْ مَكْتُوبْ فِي الكْتُبْ المُقَدْسَة:

"إِسْجِدْ لِلرَّبْ إِلَاهِكْ،

واعْبْدُو هُوَّ وَحْدُو"».