مَتَّى 5:38-42

مَا تْرُدُّوشْ عَالشَّرْ بِالشَّرْ

38 «سْمَعْتُوا إِنُّو تْقَالْ: "العِينْ بِالعِينْ والسِّنَّة بِالسِّنَّة". 39 آمَا آنَا نْقُولِلْكُمْ: مَا تْرُدُّوشْ عَالشَّرْ بِالشَّرْ. آمَا كَانْ وَاحِدْ ضَرْبِكْ عْلَى خَدِّكْ اليْمِينْ دَوَّرْلُو خَدِّكْ الآخِرْ زَادَا. 40 ولِّي يْحِبْ يِشْكِي بِيكْ بَاشْ يَاخُذْلِكْ جِبْتِكْ، كَمِّلْ خَلِّيلُو بَرْنُوسِكْ زَادَا. 41 ولِّي يْخَلِّيكْ تِمْشِي مْعَاهْ كِيلُومَاتِرْ بِالسِّيفْ عْلِيكْ، إِمْشِي مْعَاهْ زُوزْ. 42 الِّي يُطْلُبْ مِنْ عَنْدِكْ حَاجَة أَعْطِيهَالُو، ولِّي يْحِبْ يِتْسَلَّفْ مِنْ عَنْدِكْ مَا تْرُدُّوشْ.