8 وآنَا نْقُلْكُمْ الِّي المَسِيحْ وَلَّى خَادِمْ لِلْيْهُودْ بَاشْ يُثْبِتْ الِّي اللَّهْ صَادِقْ، وبِشْ يْحَقِّقْ الوُعُودْ الِّي عْطَاهُمْ اللَّهْ لِلجْدُودْ، 9 وبَاشْ الشُّعُوبْ الأُخْرِينْ يْمَجْدُوا اللَّهْ عْلَى رَحْمْتُو، كِيمَا مَكْتُوبْ:
«هَاذَاكَا عْلَاشْ بِشْ نِحْمْدِكْ وُسْطْ الشُّعُوبْ الأُخْرِينْ،
وبِشْ نْسَبِّحْ لْإِسْمِكْ».
10 ويْقُولْ زَادَا:
«إِفْرْحُوا يَا شْعُوبْ مْعَ شَعْبْ اللَّهْ!».
11 ويْقُولْ مَرَّة أُخْرَى:
«سَبْحُوا الرَّبْ يَلِّي مَاكُمْشْ يْهُودْ.
إِحْمْدُوهْ يَا كُلْ الشُّعُوبْ».
12 وقَالْ إِشَعْيَاءْ زَادَا:
«بِشْ يْجِي مِنْ ذُرِّيِّةْ يَسَّى الِّي يْقُومْ ويُحْكُمْ فِلِّي مَاهُمْشْ يْهُودْ،
والشُّعُوبْ يْحُطُّوا رْجَاهُمْ فِيهْ».
13 وإِلَاهْ الرْجَى يِمْلَاكُمْ بِالفَرْحَة والسَّلَامْ بْإِيمَانْكُمْ بِيهْ، بَاشْ رْجَاكُمْ يْفِيضْ بْقُوِّةْ الرُّوحْ القُدُسْ!