الحِكْمَة الحَقِيقِيَّة
13 فِيكُمْ شْكُونْ حَكِيمْ وعَنْدُو فَهْمْ؟ خَلِّيهْ بْتَصَرُّفَاتُو البَاهْيَة يْوَرِّي أَعْمَالُو الِّي يَعْمِلْهَا بِالتَّوَاضُعْ الِّي يْجِي مِالحِكْمَة. 14 آمَا إِذَا كَانْ قْلُوبْكُمْ فِيهَا الغِيرَة الِّي تُقْتِلْ والأَنَانِيَّة، مَالَا مَا تِتْفُوخْرُوشْ بْحِكْمِتْكُمْ ومَا تُنْكْرُوشْ الحَقْ. 15 الحِكْمَة هَاذِي مَاهِيشْ مِنْ عَنْدْ اللَّهْ، آمَا رَاهِي حِكْمَة أَرْضِيَّة بَشَرِيَّة مِنْ عَنْدْ الشِّيطَانْ. 16 عْلَى خَاطِرْ وِينْ فَمَّة الغِيرَة الِّي تُقْتِلْ والأَنَانِيَّة، تِلْقَى الفَوْضَى وأَنْوَاعْ الشَّرْ الكُلْ.