يَعْقُوبْ 3

3 مَثَلًا الحْصَانْ، أَحْنَا نْحُطُّوا اللْجَامْ فِي فُمُّو بَاشْ يْطَاوَعْنَا، ونِتْحَكْمُوا فِي بَدْنُو الكُلْ. 4 والسْفِينَة زَادَا، رَغْمِلِّي هِيَّ كْبِيرَة، والرِّيحْ الِّي تْحَرِّكْ فِيهَا قْوِيَّة، دَفَّة صْغِيرَة إِدَّوَّرْهَا لْوِينْ يْحِبْ الرَّايِسْ. 5 وهَكَّا اللْسَانْ زَادَا، هُوَّ عُضُوْ صْغِيرْ، آمَا يِتْفُوخِرْ بْأُمُورْ عْظِيمَة. وشُوفُوا كِيفَاشْ شْرَارَة صْغِيرَة تْنَجِّمْ تَحْرَقْ غَابَة كْبِيرَة! 6 واللْسَانْ كِيمَا النَّارْ، ومِنْ بِينْ أَعْضَاءْ البْدَنْ، هُوَّ قُوَّة مْتَاعْ شَرْ، يْنَجِّسْ البْدَنْ الكُلْ ويْشَعِّلْ حْيَاتْنَا الكُلْ بْنَارْ جَايَة مِنْ جْهَنِّمْ.