Lucas 1

मरीयानं स्तुती गीत

46 तवय मरीया बोलनी,

"मना जिव प्रभुले थोर मानस;

47 अनी देव जो मना तारणारा, त्यानामुये मना आत्मा आनंदमा शे,

48 कारण त्यानी आपली दासीवर कृपादृष्टी करेल शे!

दखा, आत्तेपाईन सर्व पिढ्या माले धन्य म्हणतीन,

49 कारण जो पराक्रमी देव त्यानी मनाकरता महान कार्य करेल शे.

त्यानं नाव पवित्र शे;

50 ज्या त्याले मानतस

त्यासनावर त्यानी दया पिढ्यानपिढ्या शे.

51 त्यानी आपला हातनी पराक्रम करेल शे

अनी त्यासनी दाणादाण करी टाकेल शे ज्या आपला मनना भावनातीन गर्विष्ट व्हतात.

52 त्यानी राजासले राजासनसवरतीन काढेल शे,

अनं नम्र लोकसले उंच करेल शे.

53 भूक्यासले त्यानी चांगल्या वस्तु दिसन तृप्त करेल शे,

अनं धनवानसले रिकामी हात धाडी देयल शे.

54 त्यानी आमना पुर्वजसंले सांगेल प्रमाणे,

आपला सेवक इस्त्राएल याले मदत करेल शे.

55 त्यानी आमना पुर्वजसले सांगेल प्रमाणे अब्राहाम

अनं त्याना संतान यासनावरनी दया सर्वकाळ ध्यानमा ठेवा!"