1 Dhe dije këtë: në ditët e fundit do të vijnë kohë të vështira,

2 sepse njerëzit do të jenë egoistë, lakmues parash, mburravecë, krenarë, blasfemues, të pabindur ndaj prindërve, mosmirënjohës, të paudhë,

3 pa dashuri të natyrshme, të papajtueshëm, shpifës, të papërmbajtur, mizorë, që s’e duan të mirën,

4 tradhtarë, kokëshkretë, fodullë, dëfrimdashës më fort se perëndidashës,

5 të perëndishëm në dukje, por mohues të fuqisë së saj; edhe nga këta largohu.