Jó 22

1 א ויען אליפז התמני ויאמר br

2 ב הלאל יסכן-גבר--    כי-יסכן עלימו משכיל br

3 ג החפץ לשדי כי תצדק    ואם-בצע כי-תתם דרכיך br

4 ד המיראתך יכיחך    יבוא עמך במשפט br

5 ה הלא רעתך רבה    ואין-קץ לעונתיך br

6 ו כי-תחבל אחיך חנם    ובגדי ערומים תפשיט br

7 ז לא-מים עיף תשקה    ומרעב תמנע-לחם br

8 ח ואיש זרוע לו הארץ    ונשוא פנים ישב בה br

9 ט אלמנות שלחת ריקם    וזרעות יתמים ידכא br

10 י על-כן סביבותיך פחים    ויבהלך פחד פתאם br

11 יא או-חשך לא-תראה    ושפעת-מים תכסך br

12 יב הלא-אלוה גבה שמים    וראה ראש כוכבים כי-רמו br

13 יג ואמרת מה-ידע אל    הבעד ערפל ישפוט br

14 יד עבים סתר-לו ולא יראה    וחוג שמים יתהלך br

15 טו הארח עולם תשמור--    אשר דרכו מתי-און br

16 טז אשר-קמטו ולא-עת    נהר יוצק יסודם br

17 יז האמרים לאל סור ממנו    ומה-יפעל שדי למו br

18 יח והוא מלא בתיהם טוב    ועצת רשעים רחקה מני br

19 יט יראו צדיקים וישמחו    ונקי ילעג-למו br

20 כ אם-לא נכחד קימנו    ויתרם אכלה אש br

21 כא הסכן-נא עמו ושלם    בהם תבואתך טובה br

22 כב קח-נא מפיו תורה    ושים אמריו בלבבך br

23 כג אם-תשוב עד-שדי תבנה    תרחיק עולה מאהלך br

24 כד ושית-על-עפר בצר    ובצור נחלים אופיר br

25 כה והיה שדי בצריך    וכסף תועפות לך br

26 כו כי-אז על-שדי תתענג    ותשא אל-אלוה פניך br

27 כז תעתיר אליו וישמעך    ונדריך תשלם br

28 כח ותגזר-אמר ויקם לך    ועל-דרכיך נגה אור br

29 כט כי-השפילו ותאמר גוה    ושח עינים יושע br

30 ל ימלט אי-נקי    ונמלט בבר כפיך