12 יב והחכמה מאין תמצא ואי זה מקום בינה br 13 יג לא-ידע אנוש ערכה ולא תמצא בארץ החיים br 14 יד תהום אמר לא בי-היא וים אמר אין עמדי br 15 טו לא-יתן סגור תחתיה ולא ישקל כסף מחירה br 16 טז לא-תסלה בכתם אופיר בשהם יקר וספיר br 17 יז לא-יערכנה זהב וזכוכית ותמורתה כלי-פז br 18 יח ראמות וגביש לא יזכר ומשך חכמה מפנינים br 19 יט לא-יערכנה פטדת-כוש בכתם טהור לא תסלה br 20 כ והחכמה מאין תבוא ואי זה מקום בינה br 21 כא ונעלמה מעיני כל-חי ומעוף השמים נסתרה br 22 כב אבדון ומות אמרו באזנינו שמענו שמעה br