1 א   לדוד    יהוה אורי וישעי--ממי אירא br יהוה מעוז-חיי    ממי אפחד br

2 ב   בקרב עלי מרעים--    לאכל את-בשרי br צרי ואיבי לי    המה כשלו ונפלו br

3 ג   אם-תחנה עלי מחנה--    לא-יירא לבי br אם-תקום עלי מלחמה--    בזאת אני בוטח br

4 ד   אחת שאלתי מאת-יהוה--    אותה אבקש br שבתי בבית-יהוה    כל-ימי חיי br לחזות בנעם-יהוה    ולבקר בהיכלו br

5 ה   כי יצפנני בסכה--    ביום רעה br יסתרני בסתר אהלו    בצור ירוממני br

6 ו   ועתה ירום ראשי על איבי סביבותי    ואזבחה באהלו זבחי תרועה br אשירה ואזמרה    ליהוה br

7 ז   שמע-יהוה קולי אקרא    וחנני וענני br

8 ח   לך אמר לבי--בקשו פני    את-פניך יהוה אבקש br

9 ט   אל-תסתר פניך ממני--    אל תט-באף עבדך br עזרתי היית    אל-תטשני ואל-תעזבני אלהי ישעי br

10 י   כי-אבי ואמי עזבוני    ויהוה יאספני br

11 יא   הורני יהוה דרכך    ונחני בארח מישור--למען שוררי br

12 יב   אל-תתנני בנפש צרי    כי קמו-בי עדי-שקר ויפח חמס br

13 יג   לולא--האמנתי לראות בטוב-יהוה    בארץ חיים br

14 יד   קוה אל-יהוה    חזק ויאמץ לבך וקוה אל-יהוה