Salmos 35

1 א   לדוד  ריבה יהוה את-יריבי    לחם את-לחמי br

2 ב   החזק מגן וצנה    וקומה בעזרתי br

3 ג   והרק חנית וסגר לקראת רדפי    אמר לנפשי ישעתך אני br

4 ד   יבשו ויכלמו מבקשי נפשי    יסגו אחור ויחפרו--חשבי רעתי br

5 ה   יהיו כמץ לפני-רוח    ומלאך יהוה דוחה br

6 ו   יהי-דרכם חשך וחלקלקת    ומלאך יהוה רדפם br

7 ז   כי-חנם טמנו-לי שחת רשתם    חנם חפרו לנפשי br

8 ח   תבואהו שואה    לא-ידע br ורשתו אשר-טמן תלכדו    בשואה יפל-בה br

9 ט   ונפשי תגיל ביהוה    תשיש בישועתו br

10 י   כל עצמותי תאמרנה--    יהוה מי כמוך br מציל עני מחזק ממנו    ועני ואביון מגזלו br

11 יא   יקומון עדי חמס    אשר לא-ידעתי ישאלוני br

12 יב   ישלמוני רעה תחת טובה    שכול לנפשי br

13 יג   ואני בחלותם לבושי שק--    עניתי בצום נפשי br ותפלתי    על-חיקי תשוב br

14 יד   כרע-כאח לי התהלכתי    כאבל-אם קדר שחותי br

15 טו   ובצלעי    שמחו ונאספו br נאספו עלי נכים    ולא ידעתי br קרעו    ולא-דמו br

16 טז   בחנפי לעגי מעוג--    חרק עלי שנימו br

17 יז   אדני    כמה תראה br השיבה נפשי משאיהם    מכפירים יחידתי br

18 יח   אודך בקהל רב    בעם עצום אהללך br

19 יט   אל-ישמחו-לי איבי שקר    שנאי חנם יקרצו-עין br

20 כ   כי לא שלום ידברו    ועל רגעי-ארץ--דברי מרמות יחשבון br

21 כא   וירחיבו עלי פיהם    אמרו האח האח ראתה עיננו br

22 כב   ראיתה יהוה אל-תחרש    אדני אל-תרחק ממני br

23 כג   העירה והקיצה למשפטי    אלהי ואדני לריבי br

24 כד   שפטני כצדקך יהוה אלהי    ואל-ישמחו-לי br

25 כה   אל-יאמרו בלבם האח נפשנו    אל-יאמרו בלענוהו br

26 כו   יבשו ויחפרו יחדו--    שמחי רעתי br ילבשו-בשת וכלמה--    המגדילים עלי br

27 כז   ירנו וישמחו    חפצי צדקי br ויאמרו תמיד יגדל יהוה    החפץ שלום עבדו br

28 כח   ולשוני תהגה צדקך    כל-היום תהלתך