1 א מזמור לדוד להזכיר br
2 ב יהוה--אל-בקצפך תוכיחני ובחמתך תיסרני br
3 ג כי-חציך נחתו בי ותנחת עלי ידך br
4 ד אין-מתם בבשרי מפני זעמך אין-שלום בעצמי מפני חטאתי br
5 ה כי עונתי עברו ראשי כמשא כבד יכבדו ממני br
6 ו הבאישו נמקו חבורתי מפני אולתי br
7 ז נעויתי שחתי עד-מאד כל-היום קדר הלכתי br
8 ח כי-כסלי מלאו נקלה ואין מתם בבשרי br
9 ט נפוגותי ונדכיתי עד-מאד שאגתי מנהמת לבי br
10 י אדני נגדך כל-תאותי ואנחתי ממך לא-נסתרה br
11 יא לבי סחרחר עזבני כחי ואור-עיני גם-הם אין אתי br
12 יב אהבי ורעי--מנגד נגעי יעמדו וקרובי מרחק עמדו br
13 יג וינקשו מבקשי נפשי ודרשי רעתי דברו הוות ומרמות כל-היום יהגו br
14 יד ואני כחרש לא אשמע וכאלם לא יפתח-פיו br
15 טו ואהי--כאיש אשר לא-שמע ואין בפיו תוכחות br
16 טז כי-לך יהוה הוחלתי אתה תענה אדני אלהי br
17 יז כי-אמרתי פן-ישמחו-לי במוט רגלי עלי הגדילו br
18 יח כי-אני לצלע נכון ומכאובי נגדי תמיד br
19 יט כי-עוני אגיד אדאג מחטאתי br
20 כ ואיבי חיים עצמו ורבו שנאי שקר br
21 כא ומשלמי רעה תחת טובה-- ישטנוני תחת רדופי- (רדפי-) טוב br
22 כב אל-תעזבני יהוה אלהי אל-תרחק ממני br [ (Psalms 38:23) כג חושה לעזרתי אדני תשועתי ]