Salmos 59

1 א   למנצח אל-תשחת לדוד מכתם    בשלח שאול br וישמרו את-הבית    להמיתו br

2 ב   הצילני מאיבי אלהי    ממתקוממי תשגבני br

3 ג   הצילני מפעלי און    ומאנשי דמים הושיעני br

4 ד   כי הנה ארבו לנפשי--    יגורו עלי עזים br לא-פשעי ולא-חטאתי    יהוה br

5 ה   בלי-עון ירצון ויכוננו    עורה לקראתי וראה br

6 ו   ואתה יהוה-אלהים צבאות אלהי ישראל--    הקיצה לפקד כל-הגוים br אל-תחן כל-בגדי און    סלה br

7 ז   ישובו לערב יהמו ככלב    ויסובבו עיר br

8 ח   הנה יביעון בפיהם--חרבות בשפתותיהם    כי-מי שמע br

9 ט   ואתה יהוה תשחק-למו    תלעג לכל-גוים br

10 י   עזו אליך אשמרה    כי-אלהים משגבי br

11 יא   אלהי חסדו (חסדי) יקדמני    אלהים יראני בשררי br

12 יב   אל-תהרגם פן ישכחו עמי--הניעמו בחילך והורידמו    מגננו אדני br

13 יג   חטאת-פימו    דבר-שפתימו br וילכדו בגאונם    ומאלה ומכחש יספרו br

14 יד   כלה בחמה    כלה ואינמו br וידעו--כי-אלהים משל ביעקב    לאפסי הארץ סלה br

15 טו   וישבו לערב יהמו ככלב    ויסובבו עיר br

16 טז   המה ינועון (יניעון) לאכל--    אם-לא ישבעו וילינו br

17 יז   ואני אשיר עזך--    וארנן לבקר חסדך br כי-היית משגב לי    ומנוס ביום צר-לי br [ (Psalms 59:18) יח   עזי אליך אזמרה    כי-אלהים משגבי אלהי חסדי ]