Salmos 63

1 א מזמור לדוד    בהיותו במדבר יהודה br

2 ב אלהים אלי אתה--    אשחרך br צמאה לך נפשי--    כמה לך בשרי br בארץ-ציה ועיף    בלי-מים br

3 ג כן בקדש חזיתך--    לראות עזך וכבודך br

4 ד כי-טוב חסדך מחיים    שפתי ישבחונך br

5 ה כן אברכך בחיי    בשמך אשא כפי br

6 ו כמו חלב ודשן תשבע נפשי    ושפתי רננות יהלל-פי br

7 ז אם-זכרתיך על-יצועי--    באשמרות אהגה-בך br

8 ח כי-היית עזרתה לי    ובצל כנפיך ארנן br

9 ט דבקה נפשי אחריך    בי תמכה ימינך br

10 י והמה--לשואה יבקשו נפשי    יבאו בתחתיות הארץ br

11 יא יגירהו על-ידי-חרב    מנת שעלים יהיו br [ (Psalms 63:12) יב   והמלך    ישמח באלהים br יתהלל כל-הנשבע בו    כי יסכר פי דוברי-שקר ]