1 א   שיר מזמור לאסף br 2 ב   אלהים אל-דמי-לך    אל-תחרש ואל-תשקט אל br 3 ג   כי-הנה אויביך יהמיון    ומשנאיך נשאו ראש br 4 ד   על-עמך יערימו סוד    ויתיעצו על-צפוניך br 5 ה   אמרו--לכו ונכחידם מגוי    ולא-יזכר שם-ישראל עוד br 6 ו   כי נועצו לב יחדו    עליך ברית יכרתו br 7 ז   אהלי אדום וישמעאלים    מואב והגרים br 8 ח   גבל ועמון ועמלק    פלשת עם-ישבי צור br 9 ט   גם-אשור נלוה עמם    היו זרוע לבני-לוט סלה br 10 י   עשה-להם כמדין    כסיסרא כיבין בנחל קישון br 11 יא   נשמדו בעין-דאר    היו דמן לאדמה br 12 יב   שיתמו נדיבימו כערב וכזאב    וכזבח וכצלמנע כל-נסיכימו br 13 יג   אשר אמרו נירשה לנו--    את נאות אלהים br 14 יד   אלהי שיתמו כגלגל    כקש לפני-רוח br 15 טו   כאש תבער-יער    וכלהבה תלהט הרים br 16 טז   כן תרדפם בסערך    ובסופתך תבהלם br 17 יז   מלא פניהם קלון    ויבקשו שמך יהוה br 18 יח   יבשו ויבהלו עדי-עד    ויחפרו ויאבדו br [ (Psalms 83:19) יט   וידעו--    כי-אתה שמך יהוה לבדך br עליון    על-כל-הארץ ]