Salmos 90

1 א תפלה למשה איש-האלהים br אדני--מעון אתה היית לנו    בדר ודר br

2 ב בטרם הרים ילדו--    ותחולל ארץ ותבל br ומעולם עד-עולם    אתה אל br

3 ג תשב אנוש עד-דכא    ותאמר שובו בני-אדם br

4 ד כי אלף שנים בעיניך--    כיום אתמול כי יעבר br ואשמורה    בלילה br

5 ה זרמתם שנה יהיו    בבקר כחציר יחלף br

6 ו בבקר יציץ וחלף    לערב ימולל ויבש br

7 ז כי-כלינו באפך    ובחמתך נבהלנו br

8 ח שת (שתה) עונתינו לנגדך    עלמנו למאור פניך br

9 ט כי כל-ימינו פנו בעברתך    כלינו שנינו כמו-הגה br

10 י ימי-שנותינו בהם שבעים שנה    ואם בגבורת שמונים שנה-- br ורהבם    עמל ואון br כי-גז חיש    ונעפה br

11 יא מי-יודע עז אפך    וכיראתך עברתך br

12 יב למנות ימינו כן הודע    ונבא לבב חכמה br

13 יג שובה יהוה עד-מתי    והנחם על-עבדיך br

14 יד שבענו בבקר חסדך    ונרננה ונשמחה בכל-ימינו br

15 טו שמחנו כימות עניתנו    שנות ראינו רעה br

16 טז יראה אל-עבדיך פעלך    והדרך על-בניהם br

17 יז ויהי נעם אדני אלהינו--    עלינו br ומעשה ידינו כוננה עלינו    ומעשה ידינו כוננהו