Salmos 99

1 א   יהוה מלך ירגזו עמים    ישב כרובים תנוט הארץ br

2 ב   יהוה בציון גדול    ורם הוא על-כל-העמים br

3 ג   יודו שמך גדול ונורא    קדוש הוא br

4 ד   ועז מלך    משפט אהב br אתה כוננת מישרים    משפט וצדקה ביעקב אתה עשית br

5 ה   רוממו יהוה אלהינו והשתחוו להדם רגליו    קדוש הוא br

6 ו   משה ואהרן בכהניו    ושמואל בקראי שמו br קראים אל-יהוה    והוא יענם br

7 ז   בעמוד ענן ידבר אליהם    שמרו עדתיו וחק נתן-למו br

8 ח   יהוה אלהינו    אתה עניתם br אל נשא היית להם    ונקם על-עלילותם br

9 ט   רוממו יהוה אלהינו    והשתחוו להר קדשו br כי-קדוש    יהוה אלהינו