Pol Godɨn Duam anɨngizir bizir aghuir guar avɨribav gei
1 Nan adarasi, kɨ datɨrɨghɨn deravɨra Godɨn Duam anɨngizir bizir aghuibar ia mɨkɨmasa. 2 12:2 Onger Akaba 115:5-7; Habakuk 2:18-19; Efesus 2:11-12; 1 Pita 4:3Ia kamaghɨn fo, ia fomɨra Kraisɨn adarazir otivizir puvatɨzir dughiamɨn, biziba tintinimɨn ia getuima, ia mɨgeir puvatɨzir marvir guar kaba pura dar gɨn zui. 3 12:3 Matyu 16:17; Mak 9:39; 2 Korin 3:5; 1 Jon 4:2-3Kamaghɨn, ia kamaghɨn foghasa kɨ ifonge. Godɨn Duam gumazitamɨn ikɨtɨma a kamaghɨn mɨkemeghan kogham, "Iesus, a ikufigh." Ezɨ uaghan Godɨn Duam puvatɨzir gumazitam kamaghɨn mɨkemeghan kogham, "Iesus, an Ekiam."
4 12:4 Efesus 4:4; Hibru 2:4; 1 Pita 4:10 12:4-11 Rom 12:6-8 Godɨn Duam bizir aghuir guar avɨribagh ami, Duar kamra ada nɨdi. 5 12:5 Rom 12:6-8; Efesus 4:11God bagha ingarir tuavir guar avɨriba iti, ezɨ e Ekiar kamra bagha ingari. 6 Ingangarim gamir arazarazir avɨriba iti, ezɨ Godɨn vamɨrara gavgavim ko fofozim bar gumazamizibagh anɨdima, me ingangarir kabagh ami.
7 12:7 1 Korin 14:26; Efesus 4:7; 1 Pita 4:10-11 Godɨn Duam gumazamiziba vaghvagha men aven uan ingangarim akakasi, egh tuavir kamɨn a gumazamiziba bar men akurvagham.