26,27 4:26-27 Aisaia 54:1; Hibru 12:22; Akar Mogomem 3:12; 21:2; 21:10Godɨn Akɨnafarim kamaghɨn mɨkeme:
"Amizir boriba puvatɨzir kam, nɨn boriba gɨn bar avɨrasemegham.
Nɨ mati amizir nɨn pam nɨ ataghizim.
Egh nɨ gɨn borir bar avɨriba inightɨ,
nɨn boribar dɨbobonim,
amizir uan pam ko itimɨn boribar, dɨbobonim gafiragham.
Kamaghɨn nɨ amizir boriba isir puvatɨzim, nɨ bar akongegh.
Nɨ amizir otɨrɨmɨrir mɨzazibagh fozir puvatɨzim,
nɨn navim deragh, nɨ bar akuegh,
pamtem dɨmɨva araghasɨ."
Ezɨ kamaghɨn Jerusalemɨn igharazim a Godɨn Nguibamɨn iti, Moses Osirizir Araziba a ikiagharɨghɨzir puvatɨzɨma, a datɨrɨghɨn fɨriaghɨrɨ. Ezɨ an en amebamɨn mɨn iti.4:26-27 Ves 22ɨn aven, Pol Sara dɨbora ghaze, "Guizbangɨra Abrahamɨn amuim, Sara." Kar akar isɨn zuir mam, Sara Godɨn akar dɨkɨrɨzimɨn mɨn iti. Saran otarim Aisak, a Kraisɨn gɨn zuir darazir mɨn iti. Nɨ Galesia 4:28ɨn gan. 28 4:28 Aposel 3:25; Rom 9:7-8; Galesia 3:29Ezɨ nan adarasi, ia Aisakɨn mɨn ami. Godɨn akar dɨkɨrɨzim mɨrara, ia an boriba. 29 4:29 Jenesis 21:9; Galesia 5:11; 6:12Nguazimɨn amiziba boriba isi moghɨn otozir otarim, a Godɨn Duamɨn gavgavimɨn otozir otarim pazava a gami. Kamaghɨra, datɨrɨghɨn Moses Osirizir Arazibar apengan itir gumazamiziba, e tina Godɨn Duamɨn apengan iti, me en aghuagha osɨmtɨziba e garɨsi.