Iesus ghaze, onganarazibagh amiba me bar akongegh
20 6:20 Matyu 5:3; 11:5; Jems 2:5 Ezɨ Iesus kogha uan gumazir an gɨn aruibar gara kamaghɨn mɨgei:
"Ia biziba puvatɨziba, ia God Bizibagh Ativamin Dughiamɨn aven iti,
kamaghɨn ian naviba deragh.
21 6:21 Onger Akaba 126:5-6; Aisaia 55:1; 61:3; Akar Mogomem 7:16-17 Ia datɨrɨghɨn mɨtiriam aziba, ia gɨn izɨvagham,
kamaghɨn ian naviba deragh.
Ia datɨrɨghɨn azi darasi, ia gɨn akam,
kamaghɨn ian naviba deragh.
22 6:22 Matyu 5:11; Jon 15:19; 16:2; 1 Pita 2:19; 4:14 Me ian gantɨ ia Gumazamizibar Otarimɨn gɨn mangɨtɨma,
men naviba ia bagh bar ikuvigham.
Egh me ia batoghɨva pazɨ ia damuva ian ziabagh asɨghasɨgham.
Bizir kaba ia bativtɨ ian naviba deragh.
23 6:23 2 Eghaghaniba 36:16; Matyu 5:12; Aposel 5:41; 7:52; Kolosi 1:24; Jems 1:2 Men afeziaba fomɨra kamaghɨra Godɨn akam inigha izir gumazibagh amizɨ moghɨn, me ia gami.
Ia uaghan ivezir ekiam Godɨn Nguibamɨn a iniam.
Kamaghɨn amizɨ dughiar kam otoghtɨ,
ia bar akongeghɨva
agorogem sara pɨn uari akun.