Gumazitam lam gaborogha mɨnemɨn aven anevarazir puvatɨ
16 8:16 Matyu 5:15; Luk 11:33 Egha Iesus ua kamaghɨn mɨgei, "Gumazitam lam gaborogha mɨnemɨn aven a modogha a isa dakozimɨn apengan anefazir puvatɨ. An a inigh dakozim gisɨn anefagham, eghtɨ tina aven izɨva angazangarimɨn ganam. 17 8:17 Matyu 10:26; Luk 12:2Kamaghɨra mogomer biziba da gɨn azenan otivigham. Eghtɨ bizir amigha aveziba da uaghan gɨn azenan otivigham. 18 8:18 Matyu 13:12; 25:29; Luk 19:26Kamaghɨn amizɨ ia deraghvɨra akar kam baragh. Gumazitam o amizitam Godɨn akabagh foghtɨ, God uan akabar fofozir igharaziba a danɨngam, eghtɨ a Godɨn akar avɨribagh fogham. Eghtɨ Godɨn akabagh foghan aghuazir gumazim o amizim, an fofozir muziarim God a dam a inigham."