En nivafɨziba, da Godɨn Duamɨn Dɨpenimɨn mɨn iti
12 Gumazir maba kamaghɨn mɨgei, "Bizitam nan suirazir puvatɨ, kamaghɨn kɨ biziba bar dar amuam." A Guizbangɨra, egh nɨ uaghan nɨghnɨgh, bizir maba nɨn dabirabimɨn akurvazir puvatɨ. Guizbangɨra, kɨ fɨrighɨrɨ biziba bar dar amuam. Egh kɨ bizitam ateghtɨ a na damightɨ, kɨ an ingangarir gumazimɨn mɨn ikian kogham. 13 Gumazir maba ghaze, "Dagheba, da navim bagha itir biziba, ezɨ navim, a dagheba isir bizim." Akar kam guizbangɨra, ezɨ God bizir kamning vɨraram aning a gɨvagham. Eghtɨ en nivafɨziba, gumazamiziba uari bakɨa akuir arazim bagh ikian kogham. Puvatɨ. En nivafɨziba, Ekiam bagh ikɨva, an ingangarim damuam. Ezɨ Ekiam en nivafɨzibar gara dar akurvasi.