7 Nan adarasi, akar kɨ ia bagha osirir kam, an akar igiam puvatɨ. Akar ghurir ia faragha nɨghnɨzir gavgavim Iesusɨn ikiava oraghizim.(2:7) Jon ti Iesus mɨkemezir arazir Jon 13:32ɨn itim mɨgei. A kamakɨn, ia vaghvagh uarira uarigh ifongegh. Nɨ 1 Jon 3:23ɨn gan. Me uarigh ifongezir arazimɨn akam, me fomɨra Kraisɨn adarazir otivigha a ini. Kamaghɨn, kar arazir ghurir me fomɨram amim. Iesus uabɨ mɨgɨa ghaze, kar arazir bar igiam. Ves 8ɨn Jon uaghan ghaze, Kar uaghan arazir ighiam. 8 Mɨtatemɨn dughiam gɨvasava ami, ezɨ guizɨn angazangarim datɨrɨghɨn e gisira, ezɨ kɨ akar kam ia bagha an osiri. Akar kɨ ia bagha osirir kam, a uaghan mɨgɨrɨgɨar igiam. E Iesus amir arazibar gara fo, akar kam guizbangɨra. Egha ia amir araziba gara fo, akar kam guizbangɨra.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)